الاسئلة و الأجوبة

 لمن لديه تساؤلات حول أوضاع الاقامة و قوانين اللجوء  فلديك فرصة المشاركة في هذه الصفحة و سنبذل جهدنا للرد باسرع وقت ممكن
لاضافة أي تعليق او طرح اي سوال في هذه الصفحة يرجى النقر هنا او الذهاب الى اسفل الصفحة لاضافة تعليق او سوال .

انقر هنا لقراء قوانين الارسال

التعليقات المنشورة لا تعبر عن رأي الموقع وإنما تعبر عن رأي أصحابها

باشراف : احمد الزبيدي
3٬663 تعليقات
  1. صلاح الدين يقول

    هل ممكن للشخص المرفوض تقديم على الزواج و بالبلدية ؟

  2. على يقول

    احنا اثنين اخوان توم و نشابه كلش واحد اخذ اقامه و الثاني ما اخذ اقامه الماخذ اقامه يريد يرجع للعراق و الماماخذ اقامه يريد يستحل شخصية الماخذ اقامه هل في المستقبل هذا الامور يكشف من قبل السلطات

  3. احمد يقول

    السلام وعليكم
    اني اريد اقدم على لجوء من جديد وافتح ملفي فياريت اذا اكو احد يكدر يساعدني وكلي الطريقة اشون اقدم لجوء ثاني

  4. احمد يقول

    السلام وعليكم
    اريد اسال اشون اكدر افتح ملف لجوء مالتي من جديد انغلق ملفي ب ٢٠١٧ واريد ارجع اقدم لجوء ياريت اتساعدوني
    مع تحياتي

  5. الكناني يقول

    سلام عليكم اخ احمد انا عندي كمان ديون مثل صاحب التعليق السابق بس انا كنت عندي تليفون ابو نمنت وفي سنة ٢٠١١انسحبت اقامتي ورجعت الى بلدي وبعدها رجعت سنة 2015 وطلعت علية انكاسو واظاعف المبلغ وعملت محكمه وتقسط ع ثلاث سنوات سؤالي هو هل تعتبر هذا من الديون الي اجرامية الي تاثر ع الجنسية الي ذكرتها في التعليق السابق وشكرا لكم

    **********************

    السلام عليكم
    لا اخى العزيز هذا النوع من الدين لا يوثر على الجنسيه و لكن محتمل ان يوثر على ملفك المدنى , مثلا بعد مرور بضع سنوات ستذهب لتشتري حاسبه او تلفون بالتقسيط , عند دخول معلوماتك سيظهر لهم بان هناك نقطه في ملفك , بالضبط كمى فعلت ميديا ماركت بعدم اعطاء اي شئ بالتقسيط للحاملين الاقامه نوع asail b في سنة 2012-2015 , اما على الجنسيه لا يوثر اطلاقا
    احمد الزبيدي

  6. D يقول

    مرحبا اخ احمد عندي سؤال بخصوص الديون كان عندي ديون انكاسو معمل محكمه وقسطولي المبلغ ع ثلاث سنوات هل هذا الديون راح تاثر علي الاقامة الدائمية او الجنسية اذا قدمة وشكرا لك

    **********************

    السلام عليكم
    في الحقيقه لا يوثر على الاقامة الدائمية و لكن بحسب نوع الدين ممكن ان يوثر على الجنسيه
    ان كان طابع او خلفية الديون نوع اجرامى فنعم يوثر على الجنسيه
    احمد الزبيدي

  7. ناشر للخير يقول

    http://www.kurdistan24.net/ar/news/51a619d6-fa5b-4a10-b678-3b2e6d92130a

    وزير الهجرة العراقي الجديد يؤكد رفضه للعودة القسرية

  8. إياد بشير يقول

    السلام عليكم،، انا أردني حصل على الأقامة لخمس سنوات عن طريق لم الشم، زوجتي و ام أطفالي الثلاث سورية قدمنا الي هولند 26-9-2017 ب بمعاملة لم شمل قدمها ابنها السوري من زوجها الأول، نحن الآن نريد الانفصال الطلاق و اريد ب الاتفاق مع زوجتي حضانة الاولاد ١٥سنة ١٣ سنة معي و الطفل ٤ سنوات مع امها،، ماذا يحدث للأقامة الأوت كيري بنسبة لي وهل ممكن الحصول على إقامة و أوت كيري

    **********************

    السلام عليكم
    اخي العزيز موضوع الطلاق او الزواج و تاثيره على نوع الاقامة او التجنيس طويل جدا و فيه تفاصيل كثيره و مهمه جدا
    بشكل عام ستخسر انت حق الاقامة ( لم الشمل ) و لكن يمكنك بعدها التقديم على اقامة على الحضانه ( الموضوع جدا مفصل و لا يمكنني شرحه هنا )
    افضل حل و طريقه ان تستشير محامي خاص بموضوع الطلاق و هكذا امور
    تحياتي
    احمد الزبيدي

  9. zainab يقول

    سلام عليكم عندي سؤال بخصوص واحد عند فيزا عمل لمدة سنه وهو رح يظل بهولندا اكثر من ثلاثة شهور بهذا حاله شور يكون هل يوجد غرمات وكم سعر الغرمات
    ارجو الاجابه على الاسئله اذا سمحتو صار كم يوم شي اسبوع سألت محد جاوب

    **********************

    السلام عليكم
    ناسف على التاخير الذي حصل و ذلك بسبب انشغالنا بامور اخرى
    بالنسبه للتاخير عن موعد الاقامة فبعد انتهاء مدة الاقامة يعتبر الشخص مقيم غير شرعى و بذلك يسمح للحكومة الهولنديه تغريمة بالسجن او غرامة ماليه و ثم يجب عليه الخروج من هولندا
    لو الشخص بعد انتهاء مدة الفيزا ذهب الى المطار للخروج من هولندا سيتم تغريمة ماديا و غالبا ما يكون المبلغ كبير ( بسنة 2015 كان المبلغ 180 يورو لليوم الواحد- يحتسب في المطار )
    لو الشخص اثناء تواجده في اراضي هولندا و على سبيل المثال تم القاء القبض عليه في الشارع او في البيت او اي مكان اخر ( ليس في المطار ) سيتم حبسه و المده يقررها القاضي و ثم يتم ترحيله الى العراق و يحتمل يمنع بدخول الاتحاد الاوروبي لمدة سنتين
    لو الشخص بسبب صحى ( مثلا تمرض اخر شهر من مدة انتهاء الفيزا ) تاخر في الخروج من هولندا و بحسب تقرير الطبيب يجب عليه البقاء و عدم السفر لمدة ثلاثة اشهر لن يتم تغريمه و لكن يجب ابلاغ وزارة الخارجية قسم شوؤن الاجانب باسباب عدم خروجه من البلاد .

    افضل حل ان الشخص يتصل بالوزارة الخارجية قسم شوؤن الاجانب و يطلب منهم تمديد مدة الفيزا و يجب عليه تقديم اسباب طلبه لتمديد الفيزا
    يمكنكم الاتصال بوزارة الخارحية من خلال الرقم 0703486486 و ثم طلب تحويلكم الى شوؤن الاجانب و ثم شرح حالتكم و طلب تمديدكم للفيزا
    و عكس ذلك يعتبر الشخص خارق لقوانين هولندا بشكل خاص و الاتحاد الاوروبي بشكل عام
    الزبيدي

  10. عمار يقول

    اگولك اخي ناشر الخير ، شو انت منشوراتك عجيبة غريبة ، شنو منزلنة رابط مال فيسبوك وحدة اسمهة قدس السامرائي ؟ شنو جاي تسويلهة دعاية بروسنة ،؟
    ترة خنكتونة بهاي سوالفكم ، احرمونة شوية ،
    شنو هي قابل قدس السامرائي تحل تربط ، شو هي لاجئة حالهة حالنة ،،

  11. الغريب يقول

    السلام عليكم
    أخوان الترحيل يتم بالجواز العراقي او جواز المرور والذي يصدر من السفاره العراقيه في البلد الاوربي , وحسب معلوماتي ان الشخص المراد ترحيله يقابله القنصل او السفير ويسأله هن رغبته بالعوده او لا ويتم توقيغه وحتى بصمة الابهام اذا كان يرغب بالعوده الطوعيه… ولا اعتقد ان هناك خرق من قبل السفارات العراقيه للتعليمات الحكوميه منذ 2011 بعدم منح جواز المرور الا لمن يرغب بالعوده الطوعيه حصرا.
    تحياتي

  12. ناشر للخير يقول

    https://m.facebook.com/story.php?story_fbid=1984081974979953&id=100001345082808
    منشوري خاص الى اللاجئين العراقيين في اوربا نأسف لكون مطار اربيل بداء باستقبال العراقيين (كورد وعرب)المرحلين قسراً من أوربا عبر المطار في اربيل وانا ان شاء الله سأكون في اربيل في الأيام القادمة وسيكون لنا موعد مع وزير خارجيه والداخليه والهجرة والمهجرين الأقليم في اربيل لمناقشة موضوع عدم استقبال المرحليين العراقيين قسراً الى العراق وان شاء الله من الله التوفيق مع الأسف بداءت اوربا ترحل عن طريق مطار اربيل بعدما اغلقت ابواب مطارات بغداد والبصره والنجف لاستقبال المرحلين قسراً الى العراق . نتمنى من اللاجئين العراقيين ان تطمئن قلوبهم وسيكون الأقليم معنا ولن يسمح بعدم احترام الاتفاقيه بعدم ترحيل العراقيين من اوربا الى العراق قسراً الا الترحيل الطوعي ولقائي سيوثق لكم على شكل فديو . تحياتي للجميع / قدس السامرائي

    منقول من صفحة الإعلامية قدس السامرائي على الفيس بوك
    الرابط اعلاه

  13. دعاء يقول

    والله المفروض من الادمن ما ينشر اي مشاركة بدون مصدر
    هذا يكول موكد اربيل تستلم مسفرين قسرا و الوزير يكول ماكو ، هسه فهمونا منو صح
    والله يا مشرف اذا الاخ الاسدي ما نزل مصدر خبره ارجو مسح تعليقه لان احنا مو لعبه كل يوم تمشون بطونه

  14. على المدريدي يقول

    شلون خبر موكد يا اسدي
    يعني كردستان جاي تستلم مسفرين قسرا ؟؟؟

    ممكن رابط الخبر او المصدر

  15. على المدريدي يقول

    هسه والله حرنا منا الوزير يكول ماكو منا الاخ يكول اكو
    هسه شنو تسفير قسري اكو لو ماكو

  16. مثنى يقول

    الاسدي شلون خبر موكد ؟ شنو مصدرك

  17. الاسدي يقول

    اخبار مؤكده
    مطار اربيل يبدأ باستقبال اللاجئين المرفوضه طلباتهم ( عربا وكوردا ) متجاهل قرارات حكومة المركز / حيث امتثل مطار بغداد والبصرة والنجف لقرارات وزارة الهجره والخارجين ، ولكن مطار اربيل تجاهل القرار .. وبدأ باستقبال حتى العرب المرفوضة طلباتهم

  18. Lion يقول

    اخوان هم اكو اخبار جديده بخصوص الاجيين العراقيين وخصوصا القدماء الذين تم وضعهم موخرا في الكمات هل مازالو ينتضرون النتائج رجاء الذي يعرف شي يرجى اخبارنا لانه كل واحد لايعرف ماذا سوف يحدث له هل سوف يتم طردهم من جديد الى الشارع او يعطونهم اقامات وخصوصا انه لا يوجود بعد تسفير قسري او كل واحد حسب. قضيته

  19. ناشر للخير يقول

    السلام عليكم ورحمة الله
    الأخ عمار وجميع الأخوة المحترمين
    بالنسبة لكلام الوزير يقصد به العراقيين المقيمين في أمريكا وتم سحب إقامتهم بسبب جرائم مخدرات وتهريب سلاح وغيرها

    هناك قضيه مهمه انه لاثقه بكلام اي سياسي بالعالم لأن السياسي دائما همه مصلحته الشخصيه وكيف يبقى بمنصبه واما قضيه اللاجئين في كل العالم عبارة عن ورقه يستغلها السياسيين لمصلحتهم فقط ومتى مااستوحب التضحيه بهم لأجل مصلحة سياسية فيتم ذلك بكل سهولة والسياسي مستعد لتغيير أقواله حسب المصلحة، لااقصد سياسيي العراق بل كل العالم
    المسألة الأخرى انا مع أي حل جذري لقضيه اللاجئين وليس فقط إيقاف العودة القسرية

  20. karem يقول

    عود يعني السفاره راح يحترمونه و يسولنه لقاء ويه السفير كفيلك الله ما يشترونه بقلس

  21. وسام يقول

    السلام عليكم
    يا اخ عمار كلامك صحيح و منطقي بس الوزير ما كال كل المرفوضين هم مجرمين كال بعض تم رفضهم مو لانهم عراقيين و لكن مجرمين
    يعني عنده فكره بان اكو عراقيين مرفوضين و اكو عراقيين مرفوضين مجرمين
    ثانيا انا باعتقادي اتوقع المانيا و هولندا كانو يحاولون ان يرجعون اللاجئين المجرمين قسرا للعراق مو اللاجئين و العراقيين
    و بكل حال نتظر رائ باقي الاخوة

  22. عمار يقول

    مرحبا ، اخواني الاعزاء ، اريد اطلب منكم طلب ، اتمنى توافقون علي ؟ اللي شاف الفديو اللي تكلم بي وزير خارجية العراق ورفضة طلب العودة القسرية ، طبعا هذا خبر جيد ،
    بس اللي يكمل الفديو ويسمع شنو الاسباب اللي تم رفضنا من قبل الدول الاوربية ، يعني وزراء الدول الاوربية مثل هولندا والمانيا ، موصلين فكرة لورزارة الخارجية العراقية بان احنة تم رفضنة لان تجار مخدرات لو مهربين !! وهذا الشي كذب ، ويجوز وزير الخارجية العراقية مايعرف بهذا الشي ،،
    شنو رايكم نتجمع ونروح للسفارة العراقية ونرفع عريضة او رسالة نكولة هذا الشي كذب ومالة صحة ؟؟؟
    شنو رايكم شباب ؟؟ اتمنى من الاخ ناشر الخير او صاحب الموقع ينطون رأيهم ايضا ،
    وشكرا

  23. عبد يقول

    السلام عليكم
    من قبل فترة اجاني موعد ثالث اني واخوية مع IND وبعد المقابلة اجاني نية رفض واخوية اجت الة الاقامة لانة زوجتة سورية . اسباب نية الرفض انة بغداد امانة وبمكاني اعيش بيها للعلم اني فلسطيني مواليد بغداد سؤالي هل بغداد تستقبل الاجئين الفسلطينين في العراق مرة ثانية ؟ و اذا رحت للسفاره العراقية بدنهاخ بمكانهم يعطوني ورقة او اي اثبات انة العراق مايستقبلني لان ماعندي جنسية عراقية ؟

  24. ناشر للخير يقول

    خبر سار لجميع اللاجئين العراقيين
    وزير الخارجية العراقي يرفض العودة القسريه

    https://youtu.be/m3pLpuBTCEo

  25. zainab يقول

    سلام عليكم عندي سؤال بخصوص واحد عند فيزا عمل لمدة سنه وهو رح يظل بهولندا اكثر من ثلاثة شهور بهذا حاله شور يكون هل يوجد غرمات وكم سعر الغرمات

  26. ابو جهاد يقول

    السلام عليكم جميعا:
    أريد أن أضيف معلومة لو سمحتم بالنسبة للتقدم للجنسية الهولنديةوعن تجربة شخصية مع البلدية التي أسكن قيها:
    أنا قدمت طلب اللجوء 6-9-2014 وهو تاريخ البصمة وهو التاريخ المسجل عل بطاقة الاقامة من الجهة الخلفية اليسارية وحصلت عل الاقامة لمدة خمس سنوات 19-12-2014 ،وتاريخ التسجيل في البلدية والحصول عل BZN أي السوفي نامر بتاريخ 7-1-2015، وبما أني مسجل ستاتلوس في سجلات البلدية وال IND يحق لي حسب القانون الهولندي التقدم عل الجنسية الهولندية بعد ثلاث سنوات .
    ذهبت الى البلدية للتقدم بطلب الجنسية فقالت لي موظفة البلدية يحق لك التقدم من تاريخ الحصول عل BZN وليس من تاريخ تقديم طلب اللجوء والمسجل عل بطاقة الاقامة من الجهة الخلفية والفرق بين التاريخين حوالي. 4 شهور. ،فذهبت الى مكتب ال IND في روتردام وشرحت لهم القضية ،وقالت لي موظفة ال IND بأنه يحق لي التقدم عل طلب الحصول عل الجنسية الهولندية من تاريخ تقديم طلب اللجوء وليس من تاريخ التسجيل في البلدية والحصول عل ال BZN, واتصلت هي أي حوظفة ال IND عل موظفة البلدية وأخبرتها بذلك وسجلت ذلك في سجلي في الكممبيوتر ،وفعلا تقدمت بطلب الحصول عل الجنسية الهولندية من تاريخ تقديم طلب اللجوء اي بتاريخ 7-9-2017 وحصلت عل الجنسية الهولندية بتاريخ 23-8-2018 الذي هو تاريخ القسم في البلدية ،وهذه المشكلة مرت مع أناس كثر أعرفهم ولهم نفس مشكلتي . والسبب جهل الموظفين العاملين في بعض البلديات عن قصد أو غير قصد بالقوانين وآلية وكيفية تطبيقها وخاصة البلديات ذات القرى الصغيرة. فالنقاش والتصادم مع البلدية التي تعيش بها لا ينفع ،النصيحة اذهب بنفسك لمكتب ال IND في منطقتك او القريب عليها تجد الحل عندهم.

    وبالتوفيق للجميع اخوكم ابو جهاد.

  27. Morad يقول

    السلام عليكم و رحمة الله و بركاته

    لو سمحتم لدي سؤال و ارجو ان اجد لديكم اجابة شافية، كنت في هولندا مع عائلتي لمدة ٩ اشهر و للاسف تم ارجاعنا لايطاليا بسبب اتفاقية دبلن، و في ايطاليا تم منحنا لجوء سياسي و اقامة خمس سنوات، و لكن الظروف هنا سيئة جدا و اطفالي نفسيتهم سيئة جدا بسبب الاوضاع هنا، هل هناك طريقة او حل لكي نرجع جميعا للاقامة بهولندا ؟ غير عقد عمل لان صعب الحصول عليه.

    **********************

    السلام عليكم
    قانونيا لا يمكنك طلب اللجوء في هولندا عندما تحصل على اقامه في احد البلدان الاتحاد الاوروبي , هناك حالات خاصه يمكنك نقل الاقامه من بلد الى بلد اخر , و عادتا ما تكون الاسباب هي الاقارب ( درجه اولى فقط ) او العمل او الزواج و بما ان لا يمكنك الاستفاده من قانون الاقارب لان زوجتك و اطفالك معك في ايطاليا و لا قانون الزواج لا يبقى سوى اقامة العمل.
    الزبيدي

  28. Diaa يقول

    السلام عليكم اخي الكريم

    انا شاب سوري مقيم بهولندا وحصلت علا الاقامة بتاريخ 23-11-2013
    في البداية اخدت انتظار ونتظرت 4 شهور وطلع قرار منحي لاقامة بتاريخ 06-05-2014

    ومن فترة قصيرة قدمت على الاقامة الدائمة وحصلت عليها بتاريخ 23-11-2018
    واليوم رحت على البلدية لأتقدم بطلب التجنيس وبتفاجئ بقلي الموظف ( انت لايحق لك بلتقدم على طلب التجنس)
    ئلي انت مسجل ب BRP بتاريخ 02-06-2014
    اخدت معي اوراق ال IND و اوراق التحقيق وقدمتون وئلي مافيني قدملك لازم تنتظر لشهر 6
    سؤالي هل من المفروض انتظر ستة اشهر؟
    او يحق لي ان اتقدم للتجنيس؟

    وشكرا كتير

    **********************

    السلام عليكم
    قانونيا تحسب الخمس سنوات من تاريخ منحك الاقامه و ليس من تاريخ المقابله مع الوزارة او دخولك في هولندا
    بعد الخمس سنوات يمكنك التقديم على الاقامة الدائميه كما فعلت انت بتاريخ 23-11-2018 و لكن لو تم تسجيلك في النظام البلديه بعد ستة اشهر من تاريخ استلامك البيت فللاسف يجب عليك الانتظار لحين 02-06-2019 .و لكن يمكنك التقديم على الجنسيه الهولنديه او ملى الاستماره بشهر الرابع او الخامس من سنة 2019 .
    الزبيدي

  29. ايمن يقول

    انا برائي الافضل الواحد ياخذ الحيطة و الحذر لان هولندا ما بيه امان نهائيا , يعني قبل فتره كالو تعالو استلمو كمبات لكل واحد عايش بالاسود يجوز نوع فخ حتى يكون اللاجئ تحت ايدهم و شوكت ما العراق مستعد راسا حبس و تسفير
    الله الساتر خل نشوف شراح يكون الامر في الايام القادمة

  30. mohammed يقول

    اخوان اني اتصلت يالسفاره العراقيه كالو ما نستقبل اي شخص مسفر قسرا للعراق
    اذا ما تصدكون خابرو بنفسكم و شوفو الرد

  31. ابو الاسود يقول

    نصيحة لوجه الله الى جميع الاجئين العراقيين يلي حولو دينهم
    اخواني العراقيين اعرف بسبب الظروف الصعبة حولتو دينكم عندي نصيحه الكم جميعاااااااا
    لحد ليروح للمحامية مايرينك حتى تستلم ملفه
    قبل سبوعين تقريبا احد من المترجمين عند الوزارة و هو عراقي – كردي كلي بان الوزارة و بالاخص المحققين قي دنبوش يعرفون كلش زين بان مايرينك هي من تضغط على اللاجئ حتى يصير مسيحي يعني اللاجئ هو اساسا مو مسيحي بس من يروح يم مايرينك تكله ماكو حلين لو تصير هومو لو تصير مسيحي و الجميع يختار المسيحي – يعني مو باختيار اللاجئ ان يختار المسيحيه فعيني تحوله الديني غير مقبول و مرفوض اساس – و هذا المترجم يقول بان الموضوع اصبح بدعابة عند المحققين في دنبوش يقولون لبعضهم البعض للمزح :
    – هل لديك لاجئ عراقي لعمل مقابله
    – نعم , لديه اليوم لاجئ عراقي للمقابله
    – هل محاميته مايرينك ؟
    – نعم المحاميه مايرينك !
    – جيد مادام محاميته مايرينك فقصة هذا اللاجئ هو اصبح مسيحي

    يعني من الاخير انطيكم
    الوزارة تعرف اي شخص يقدم طلب لعمل مقابله بان اصبح مسيحي و محاميته مايرينك تعرفه كلك 56
    لان هي من تكول للاجئ روح صير مسيحي حتى اخذلك اقامه

  32. المصلاوي يقول

    السلام عليكم اخواني ، عندي استفسار وطلب نصيحة اني قبل سنه تقريبا سويت انترفيو ثالث من بعد نيه رفض والرفض والمحكمة انطتني ايجابي وعلى ضوء القرار الايجابي سوولي انترفيو ثالث من بعد التصحيح الي جان بشهر الثاني 2018 اجاني انتظار تسع اشهر لغرض التحقق والتدقيق بالقضيه والتسع اشهر خلصت يوم 20/11 وماتخذت اي اجراء ولا خابرت ال IND والمحامي كالي نكدر نطالب بتعويض مال على كل يوم تأخير ، سؤالي هوا شتتوقعون قرار ال IND ؟ واكو احد مار بنفس هاي الاجراءات يكدر يفيدنا واطلب نصيحتكم شنو الي اكدر اسوي او شسوي بأختصار ، وشكرا لكل الموجودين والي راح يردون والي ميردون وبالتوفيق للجميع

    **********************

    السلام عليكم
    اخي العزيز في مثل هولندي يقول :
    لا تيقض الكلب النائم
    انا برائي الشخصي من الافضل ان لا تتصل لا بالمحامي لا بالوزارة لان بحسب تقارير الامم المتحده و بعض من الدول الاخرى ان موصل اصبحت منطقة امنه , يعني الان الوزارة اله حق ترفضك لان داعش طلعة من العراق
    فالافضل ان تصبر لمده سنة بعد تاريخ قرارهم حول التسع اشهر
    الزبيدي


  33. عمار يقول

    بس سؤال ؟ شلون اذا طلع كلام الاخ ناشر للخير صحيح وهولندا والعراق اتفقو على تسفير القسري ؟ يعني اني اشوفة حتى لو كلامة مو صحيح ، بس الانسان الذكي ، لازم مايستهين بلتحذيرات حتى لو جانت ماله وجود ،، وهولندا مابيهة امان ،، وشكرن

  34. ناشر للخير يقول

    السلام عليكم ورحمة الله
    اخواني العراقيين ليس هدفي نشر الرعب ابدا، معاذ الله، ولكن اعتاد العراقيون على أن العراق لايستقبل قسري ولذلك كثير منهم لايذهب إلى موعد الدي تي في او الكيس مانجر، أو ربما لاياخذون كلامهم على محمل الجد
    انا انبهكم فقط لتاخذوا الاحتياط وليس الهدف التخويف، يعني اللي ملفه مغلق واخذوه القنصل لكي يؤكدوا انه عراقي هذا معناه انه جاهز الترحيل متى ما عاد الترحيل القسري، ولااحد يعلم متى سيعود ربما خلال أيام أو أسابيع، كلكم يعلم أن الحكومة العراقية لاتتعامل بشفافية مع هذه الأمور وسابقا كان الوضع أسوأ في الأعوام 2010 و 2011.حيث كان يتم القبض على اللاجئ العراقي وتفسيره بدون سابق إنذار، أما الآن هناك تحذيرات قبل التسفير، وإذا حصلتم على التحذير فلاتستهينوا به هذا ماتريد ايصاله لكم فقط واتمنى لكم حياة طيبة مستقرة

  35. zina يقول

    السلام عليكم اخواني العراقيين في كل مكان
    ردا على اخبار الأخ ناشر للخبر اكولكم اني اشتغل بمنظمة الفي في ان اخوان صدقوني ماكو اي خبر عن عودة قسرية بس تشجع على العودة الطوعية, وانت اخويه العزيز ناشر ااخبر بس اريد اسالك سؤال شراح تستفيد اذا خليت الناس تخاف؟ راح يخش بجيبك فد شي؟ يعني مو كافي القهر والضيم الي شفناه بالعراق النوب انت جاي هنا تنشر الرعب بين الناس؟؟؟؟

  36. ناشر للخير يقول

    السلام عليكم اخ احمد
    هذا الخبر سيسعدك ويسعد الآخرين ولكن انا شخصيا غير متفائل من المستقبل وعندي شعور ان هناك طبخة يتم إعدادها خلف الكواليس

    http://mofamission.gov.iq/ab/SwedenS&article=23328

    التقى السفير أحمد الكمالي سفير جمهورية العراق لدى مملكة السويد يوم الثلاثاء 18/12/2018 بالدكتور كوستاف لند رئيس دائرة حقوق الانسان والقانون الدولي والمعاهدات في وزارة الخارجية السويدية، وتم خلال اللقاء مناقشة جملة قضايا منها رفض الحكومة العراقية للعودة القسرية للاجئين العراقيين، وتفعيل الاتفاقيات ومذكرات التفاهم بين البلدين.

    من جانبه رحب الدكتور كوستاف لند بالزيارة مشيراً إلى أنه سيتم دراسة كافة القضايا التي طرحت اثناء اللقاء.

  37. احمد يقول

    السلام عليكم اخ ناشر للخير , انا لا اعرف لماذا انك تجلب فقط الاخبار التي تتكلم عن العوده القسريه و غالبيتهم من مصادر غير موثوقه
    تفضل اخي هذا الرابط من دويجله وله و قبل 18 ساعه فقط
    و يقول فيه الوزير الالماني يلي زار العراق بان يحاول ان يقنع العراقيين بالعوده الطوعيه الى العراق مشيرا الى دفع مبلغ قدره 3000 يورو لكل عائله و ايضا ذكر بان ليس كل مناطق العراق امنه رغم خروج داعش
    https://m.dw.com/ar/اللاجئون-العراقيون-والعودة-الطوعية-هل-تنجح-ألمانيا-في-الإقناع/a-46803567?fbclid=IwAR1Z5dXUOY88rOMWdOHWZF62ZU0PrTMIRuSB0Z-XYkLDcxPAXFgMCiRBqi4

  38. لفته يقول

    الظاهر 2019 مراح تكون سنة خير على العراقيين و اذا امريكا سفرت قسرا اكيد اتباعها حيتخزون نفس الاجراء
    الله الساتر

  39. ناشر للخير يقول

    اتفاق واشنطن وبغداد على الترحيل

    وأقر جوزيف دارو، محامٍ عن الوكالة، في 24 أكتوبر في المحكمة بأن هناك اتفاقا بين الولايات المتحدة والعراق لترحيل جميع المواطنين العراقيين الحاصلين على أوامر إبعاد، وهم حوالي 1,400 شخص، كثيرون منهم لا يريد العودة.

    وتدرس دول أخرى أيضا ترحيل العراقيين. في أواخر ديسمبر، حيث نقلت وسائل إعلام عراقية أن هولندا بدأت بترحيل العراقيين الى بلدهم بدون تقديم أي وثائق صالحة عند وصولهم إلى أربيل الشمالية، بينما قد أعربت دول أخرى، منها المانيا، عزمها فعل الشيء نفسه.

    مكتبا عبد المهدي والوكالة الاميركية لم يردًا

    واشارت هيومن رايتس ووتش الى ان الأشخاص الذين لا يحملون وثائق هوية أو أوراق سفر من المرجح احتجازهم إذا أُوقفوا عند نقطة تفتيش، وهذا يعرّضهم لخطر الاحتجاز والتعذيب، وهو أمر منتشر في مراكز الاحتجاز العراقية.

    وكتبت هيومن رايتس ووتش إلى محمد طاهر الملهم، مدير مكتب حقوق الإنسان في المجلس الاستشاري لرئيس الوزراء العراقي، في 12 ديسمبر الحالي تستفسر عن موقف العراق من العودة القسرية، وسألته عما إذا كانت الحكومة تتخذ أي خطوات لمنع موظفيها القنصليين في الولايات المتحدة من إجبار العراقيين على العودة بتهديدهم بالحبس لسنوات، وما إذا كان الموظفون القنصليون يصدرون وثائق صالحة للعائدين، ويضمنون عدم احتجازهم، لكن المنظمة لم تتلق ردًا.

    اضافت هيومن رايتس ووتش انها كتبت أيضا إلى رون فيتييلّو، القائم بأعمال مدير الوكالة، في 17 ديسمبر، تستفسر عن الخطوات التي تتخذها الوكالة لضمان عدم قيام عناصرها بإجبار العراقيين على العودة إلى العراق بتهديدهم بالسجن لسنوات، وعدم قيامها بترحيل العراقيين ما لم يحصلوا على هوية عراقية صحيحة من العراق. إلا أنها لم تتلق ردا.

    https://elaph.com/Web/News/2018/12/1231466.html

  40. ناشر للخير يقول

    السلام عليكم ورحمة الله
    الأخ العزيز ابو ايه، تحية طيبة ولك ولكافه الأخوة المحترمين امثالك
    اخي الكريم بالنسبة للاتفاقية بين هولندا و كوردستان فقد علمت بها من عدة مصادر موثوقة هنا في هولندا وذلك بعد تسفير العائلتين الكرديتين قبل شهر تقريبا تم عمل بحث شامل عن الأسباب وكلنا توقعنا أن يكونوا اما قد سلموا جوازات أو ارتكبوا جرائم ولكن تبين بعد البحث ومن مصادر هولندية أن هناك اتفاقية مسبقه بين هولندا كوردستان ولكن دخلت حيز التنفيذ قريبا، وأعتقد السبب هو أن هولندا ساعدت في إعادة فتح مطارات كردستان من خلال الضغط السياسي على العبادي وكمبادرة لرد الجميل أو ربما كان هناك شرط مسبق تم الاتفاق على القبول بالعودة القسرية بالإضافة إلى المساعدات المادية والتنموية وغيرها وكما يقول المثل شبع الفم تستحي العين أو ماشابه ذلك
    إذا الاتفاقية قبل 18 ديسمبر ربما ب 4 أشهر ولكن التنفيذ حصل مؤخرا وبالتأكيد لن تجد مواقع تتحدث عن ذلك لأن المسؤولين الكرد وغيرهم من العراقيين يعلمون أن هذه الاتفاقية ستجلب الانتقادات الواسعه لهم لأنها تخالف حقوق الإنسان كما هو معلوم
    وقناة أن آر تي أخذت الخبر ليس من مصدر حكومي وإنما من ناشط كردي يعمل في جمعيه لمساندة اللاجئين وربما يكون هذا الشخص يتعرض لضغوط من المسؤولين الكرد أيضا لكي تسير الأمور على مايرومونه بكل سلاسه وهدوء وبدون ضجة إعلامية

    بالنسبة لي كمتابع للأحداث استطيع قراءة مابين السطور
    يعني مثلا عندما وزير الخارجية العراقي يصرح أن العراق أمن ومستقر وممتاز ويدعوا للعودة الطوعية وبنفس الوقت (لم ينفي إمكانية العودة القسرية) فهذا تصريح سياسي بامتياز وعلى الأرجح قد تم توقيع اتفاقية العودة القسرية مع حكومة بغداد ولكن لم تدخل بعد حيز التنفيذ وأعتقد أنها ستطبق بعد إتمام تشكيل الحكومة واستتباب الأمر نسبيا
    اما كردستان بالأمور مستقرة قياسا لبغداد ولذلك تم البدء بالتنفيذ
    كلنا أو بالأحرى جميع اللاجئين القدماء أن السويد والدنمارك كانتا من اوئل الدول التي رحلت العراقيين قسريا منذ 2007 وكانت حكومة المالكي تنفي وجود اتفاقية ولكن بعد الضغوط والاحتجاجات اعترفوا بتوقيع اتفاقية مع السويد وقعها زيباري وزير خارجية المالكي مقابل قبول السويد بفتح سفارتها في بغداد وتقوية العلاقات، أما مايخص هولندا كانت هناك موافقة سرية على الاستقبال بدون توقيع اتفاقية يعني شفويا فقط واستمرت لغاية نهاية. 2011.ومنذ ذلك الحين لم تكف هولندا عن الضغط على العراق لإعادة العمل بالعودة القسرية وكان العراق موقفه متراخي وليس حاسما حيث دائما يصرح أن الأوضاع الان لاتسمح بسبب داعش وغيرها ولكن الآن العراق ليس لديه حجة داعش ولايرغب بالاعتراف بأن البلد غير آمن وهو محتاج للدول الغربية ومساندتها
    وهناك نقطة آخرى بدأت أوروبا بتطبيقها وهي منع منح فيزة شنجن للدول التي لاتستقبل مواطنيها بالاضافه إلى وقف المساعدات المادية مما يشكل ضغط على الدول الضعيفة ويدفعها للقبول باستقبال العائدين قسرا

    قل لن يصيبنا إلا ماكتب الله لنا
    والسلام عليكم

  41. الاسدي يقول

    لا اخي مو هذا القصدته / بس ردا على استفسارات الاخ ابو ايه ، بس المشكله اللي تدعو للقلق / في حالة موافقة حكومة كردستان على استلام مرفوضين عرب ، عند ذالك لن تتردد الحكومه الهولنديه بالترحيل ( والطايح رايح ) مثل منگول
    الله يستر

  42. ابو حمزه ( الاسم مستعار ) يقول

    الاسدي::
    يعني تقصد هل هذا الخبر صحيح و ستسفر هولندا اللاجئين العراقيين ( عرب او كرد ما كو فرق ) قسرا الى العراق ؟

  43. الاسدي يقول

    هولندا من تريد ترحل ، ترحل عالسريع لتسأل على تواريخ وإجراءات وتفاصيل، صارت ويانه ب ٢٠١٠ واخذو اصدقائنه/ شباب، عوائل واطفال من الكمبات من الغبشه ، للسجن ، لطيارة عسكرية ، لمطار بغداد،

  44. ابو ايه يقول

    السلام عليكم … الى الاخ ناشر للخير
    بعد التحية
    اخي العزيز اريد اناقشك بموضوع و اتمنى احصل على جواب كافي و وافي منك
    مثل ما ذكرت حضرتك و مذكور في موقع ان ار اتي بان هولندا بدات بترحيل اللاجئين العراقيين الكرد الى اربيل او الى اقليم ابتدا من 18 ديسمبر كمى مذكور في الموقع . ايضا مذكور في نفس الموقع بان وزير الخارجية الهولندي زار كردستان و التقى بنجيرفان بارزاني و اتفقو على الية العودة القسريه للاجئين الاكراد و الذي مذكور في هذا الرابط من نفس موقع ان ار تي
    http://www.nrttv.com/EN/News.aspx?id=8755&MapID=1
    العجيب في الموضوع ان
    اولا – تاريخ لقاء وزير الخارجية الهولندي مع نجيرفان بارزاني 18 ديسمبر و تاريخ ترحيل اول عائلة الى كردستان العراق هو ايضا 18 ديسمبر ! زين هاي يعني شلون يعني اول ما تكلمو مع بعض كله توافق ادزلك لاجئين قسرا نجيرفان كله اي دز زين شنو راسا خابر الوزير للوزارة الهولنديه و كللهم يابه دزوهم للعراق لان نجيرفان وافق ؟؟ شوكت لحكو يجزولهم .؟ شوكت لحكو يبلغون السفاره العراقيه !! شلون هاي والله لو تريد ترسل بريد من دوله الى دوله هم الامر ياخذ اكثر من يوم . يعني بحسب العرف الدبلماسي بعد اي اتفاقيه بين البلدين ستضع بعض الاساسيات و الية الامر و بعض الشروط و البنود في الاتفاقيه شوكت لحكو يتفقون شوكت لحكو يكتبون الاتفاقيه شوكت لحكو يرسلوه لهولندا و شلون بهل سرعه هولندا حجزت و دزت اللاجئين .

    ثانيا – حضرتك ذكرت بان قبل شهر او اسابيع تم ترحيل عائلتين قسرا الى العراق زين اذا هم التقو يوم 18 ديسمبر و اتفقو على ترحيل اللاجئين قسرا الى العراق شلون قبله باسبوعين ارسلو لاجئين قسرا الى العراق

    ثالثا – الامر الاكثر غريب هو ان بحثت بكل الانترنت لم و لن اجد اي موقع اخر اكد صحة هذا الخبر لا مواقع عراقيه و لا هولنديه و لا انكليزيه و الموزقع الوحيد الذي ذكر هذا الامر هو فقط ان ار تي

    رابعا – ممكن اعرف ان حضرتك كيف حصلت على هذه المعلومه و هي في الاساس لا وجود لها في الانترنت لانك ارسلت الخبر قبل ما يتم وضعه في الانترنت

    ارجو الاجابه

  45. ناشر للخير يقول

    قلنا لكم ان غدا لناظره قريب

    قناة NRT نشرت قبل ساعات خبرا باللغه الإنكليزية عن بدء هولندا ترحيل اللاجئين( الكرد) العراقيين قسريا إلى أربيل بعد دخول اتفاقية الترحيل القسري بين هولندا كوردستان حيز التنفيذ
    ملاحظة، هذه البداية مع الأكراد وقريبا سترون أن بغداد أيضا تستلم العرب من العراقيين
    رابط الخبر

    http://www.nrttv.com/En/News.aspx?id=8764&MapID=1

    ترجمة الخبر
    بدأت هولندا بترحيل المهاجرين الأكراد مساء الثلاثاء (18 ديسمبر) بعد توقيع اتفاقية بين حكومة إقليم كردستان والحكومة الهولندية ودخولها حيز التنفيذ.

    وقال رئيس الاتحاد العراقي للهجرة آري جلال لـ NRT Digital Media أن السلطات الهولندية رحّلت المجموعة الأولى من الأشخاص هذا المساء ، حيث نقلتهم إلى مطار أربيل الدولي.

    “عائلة كردية كانت تعيش في هولندا لمدة ثلاث سنوات كانت [أول من تم ترحيلهم]. لم يتمكنوا من تقديم أي وثائق رسمية ،وليس لديهم جواز سفر عراقي ، عندما وصلواالى أربيل. وهذا يثبت أن الترحيل كان غير قانوني وبدون موافقتهم “، وقال جلال وهو ينتقد ذلك باعتباره انتهاكًا لحقوق الإنسان.

    “سوف يكون المئات من المهاجرين الآن قلقين بشأن وضعهم. لقد انتحر عدد منهم في الماضي [لأنهم لم يريدوا العودة].

  46. صياد الارانب يقول

    هاي شبيك وسام
    شكو ماخذ كلامه بجديه ؟ هو منو اهنا مصدكه يمعود دعوف القال و القيل
    كفيلك الله اتصلت بالسفاره و سالتهم كالو اذا الشخص عنده جواز و الجواز مسلمه للوزارة لو ارادو يرحلو قسرا للعراق ما نكدر نمنعهم
    بس لو ما عنده جواز و هو الشخص ما راضي للعودة الطوعيه لو يحظر الريل اكبر راس بالعالم ما يكدر رجعه
    انت بنفسك اتصل بالسفاره العراقيه و استفسر منهم و عوف كلام هذا (ناشر ابوالخيوره)

  47. karem يقول

    سوال يلا زحمة اخوان
    اني من الناس يلي رحت للكمب من فتحو الكمبات قبل فتره
    هسه اجاني انترفيو دون ما اقدم
    ممكن تنصحوني

  48. وسام يقول

    خالى ناشر للخير
    يعني بشرفك اصدك بيك لو اصدك بالمصادر يلي انته خالهن
    جاي تكول صارت اتفاقيه قبل فتره و كل مصادرك يلي ذاكرهن ما ذاكره هذا الشئ
    كل مصادرك اكسباير و قبل سنه و مدرى شكد
    و هسه خال رابط مال موقع و جاي تفسر بكيفك بان مادام الوزير الخارجيه هيجي كال هاي يعني بان فلان شغله ؟
    شنو خالى محلل سياسي صاير ؟ محلل طوبه ؟ مفسر الاحلام
    بشرفك تعال جاي عندي شغله وياك تعال
    اكو واحد من العراقيين مضوجك بشغله و انت حبين تنتقم منه هكذا ؟
    معيش واحد بالاسود بيتك و هس مليت منه تريد تطلعه و ما تكدر و جاي تحاربه نفسيا بهذا الموقع ؟
    جاي تباوع على ابراهيم الجعفر هاي الايام هواي ؟
    شنو فلمك انت الخاطر الله متكلي

  49. ناشر للخير يقول

    وزير خارجية حكومة المنطقه الخضراء يعلن أمام وزير الخارجية الألماني أن العراق أصبح آمنا ومستقرا وهو بذلك يعطي الضوء الأخضر لأوروبا لارجاع العراقيين قسريا لأنه لم يعد هناك سبب لطلب اللجوء حسب رأيه
    https://p.dw.com/p/3AH6P?maca=ar-Whatsapp-sharing
    ، تدعو الحكومة العراقية مواطنيها اللاجئين في ألمانيا إلى العودة الطوعية إلى البلاد.

    في هذا السياق قال وزير الخارجية العراقي خلال استقباله لنظيره الألماني إنه يأمل في أن “يعود المواطنون طوعا إلى العراق”.

    وأشار الوزير العراقي إلى أن الوضع الأمني أصبح “جيدا جدا ومستقرا”، حسب تعبير الوزير، وأن بلاده أصبحت أمنة ولهذا “ندعو مواطنينا إلى عودة طوعية إلى البلاد

  50. الاسدي يقول

    بالنسبة لموضوع الارجاع القسري ، اتصلت بالصحفيه قدس السامرائي وهيه مطلعه وملمه ومتواصله بشكل تفصيلي مع الحكومه العراقيه ( اول باول) فيما يتعلق بالعوده القسريه ، كان جوابها أنه لا أساس ولاصحه لهذا الخبر، واي تطورات سلبية جديده تخص هذا الموضع لاوجود لها واكدت هذا الأمر بشكل قاطع .

  51. عمار يقول

    الى الاخ ناشر الخير ، المفروض تغير اسمك وتكتب ناشر للشر ،،
    ترة عيب تنشرون اخبار كاذبة وبس تخوفون بل الاجئين العراقيين ،، شراح تستفاد من تنشر هيج اخبار كاذبة ، كلنة شفنةالفديو ، وهذا الفديو قبل ٩ اشهريعني اصلا ماجانت اكو حكومة حتى يتفاوضون وياهة

  52. ناشر للخير يقول

    السلام عليكم
    أن غدا لناظره قريب
    انا ادعوا كل عراقي في هولندا أن يخبرنا عن تجربته مع (الدي تي في) (DT en V) أو الكيس مانجر أثناء المقابلات في الأيام القادمة وان لايستهين بتحذيرهم من الترحيل القسري
    شاركونا تجاربكم ليستفيد الجميع

  53. صياد الارانب يقول

    السلام عليكم
    الى صاحب المشاركة ( ناشر للخير )
    ليس لدى اي تعليق على كلامك ما زال كل شخص حر ان يكتب و ينشر ما يريده و لكن لدى تعليق على جميع مصادرك

    الرابط الاول من موقع
    لم يذكر الموقع ابدا اي شئ حول الترحيل القسري و كل ما ذكرت الصفحة بان هناك مفاوضات حول تحسين العلاقه العراقية و الاوروبيه من حيث الزراعة و السفر و الاقتصاد و الخ …………..

    الرابط الثاني
    الكومبيس
    الم ترى ان تاريخ نشر هذا الفيديو بالضبط سيعود الى قبل سنة ؟ 2018 شهر الواحد !!! تم نشر هذا الخبر بان ترحيلهم بات اسهل بحسب المفاوضات الذي حصلت بين جانب العراقي و جانب الاوروبي ثم في شهر الرابع من هذه السنه صوت البرلمان العراقي بعدم استقبال اي لاجئ الذي تم ارساله قسرا الى العراق مما يعني هذا الفيديو الذي ارسلته اصبح زيروووووو

    الرابط الثالث
    الذي ذكرت انته
    الرابط الأخير باللغه الهولندية فيه اعتراف صريح من وزير الهجرة البلجيكي بأن العراق وافق على العودة القسرية
    نعم هذا الرابط صحيح و لكن لا يخص اللائجين العاديين و يخص فقط اللاجئين العراقيين المجرمين الذي ارتكبو اعمال اجراميه او جرم خاص سيتم ترحيله الى العراق رغم كل هذا تاريخ هذا الخبر يعود الى شهر الثالث من سنة 2018 و نحن سندخل 2019 بعد اسابيع يعنيى مضى على هذا الخبر 9 شهورر

  54. ناشر للخير يقول

    السلام عليكم ورحمة الله
    هام جدا إلى كافه اللاجئين العراقيين في أوروبا عموما وهولندا خصوصاً
    للأسف اقول لكم انه تم توقيع اتفاقية شاملة بين الاتحاد الأوروبي والعراق وفيها عدة ملفات من ضمنها ملف اللاجئين وقد دخلت الاتفاقية حيز التنفيذ منذ أشهر قليله وقد وافق العراق على إعادة مواطنيه قسرا ولكن بدون أن يكون هذا الأمر معلنا وقد اعترف وزير الهجرة البلجيكي بذلك والان اصبح بالإمكان تسفير اللاجئين العراقيين المرفوضين قسريا حتى بدون جواز سفر رسمي وبالفعل كما تعلمون تم تسفير عائلتين عراقييتين من أحد الكمباتالى العراق قسرا قبل أسابيع قليله وستتبعها بحملات آخرى وقد اعترف قسم من المسؤولين الهولنديين في الكمبات بتوقيع اتفاقية بين العراق والاتحاد الأوروبي بالترحيل القسري، لذلك فمن يقولون له سنرحلك قسريا إذا لم توقع طوعيا فهم متاكدون من امكانيه ذلك ولايستخف اللاجئ بهذا الأمر على اعتبار أن العراق صرح عكس ذلك
    فليبلغ الحاضر منكم الغائب

    الدليل على قولي في الروابط التاليه

    http://aliraqnews.com/المفوضية-الأوروبيةاتفاقية-العراق-وا/
    https://youtu.be/T9Ea0sqJ7Q0

    https://www.mo.be/nieuws/wie-zijn-de-criminele-asielzoekers-die-belgi-gedwongen-kan-terugsturen-naar-irak

    الرابط الأخير باللغه الهولندية فيه اعتراف صريح من وزير الهجرة البلجيكي بأن العراق وافق على العودة القسرية

  55. كمال رعد يقول


    **********************

    السلام عليكم
    الى الجمعية الخيريه المسيحية في هولندا …
    اخةانى الاعزاء مدة العقد لوضع اعلانكم في موقعنا كانت سنتين و قبل نهاية العقد حاولت الاتصال بكم عدة مرات عن طريق الهاتف و عن طريق الايميل و لم اتلقى اي رد
    لو تنوي وضع الاعلان لمدة اكثر يرجى الاتصال بي عن طريق صفحة الاتصال بنا و يرجى ذكر اسمي ( كمال رعد )

  56. عثمان يقول

    سلام عليكم اخي لدي سؤال واريد الرد عليه من فضلك انا موجود في ايطاليا ولدي عم هنا ولديه إقامة دائمة في ايطاليا هل يمكن له تسوية الوضعية لي وشكرا

    **********************

    عليكم السلام
    لا اخى لا يمكنه قانونيا ان يعمل لك شئ , القانون الايطالى يسمح بالحصول على الاقامة عن طريق الزواج او العمل اما عن طريق الاقارب ( درجه ثالثه ) لا يمكن ذلك
    الزبيدي


  57. فارس يقول

    نصيحة اخوية لكل اللاجئين العراقيين
    لحد ليروح على المحامية مايرينك لان لو تتصل بيه الف مرة ما تجاوب و الف مرة السكرتير يكلي انطيني رقمك و من ترجع تتصل بيك و محد ميتصل ، قبل فترة خلصت اخر لقاء وياهه و على اساس تقدملي لطلب لجوء و لحد الان ما اعرف قدمت لو لا و صارلي ٧ اشهر انتظر حتى تقدملي خايف لا مثل الجماعة تكلي بعد يومين عندك انترفيو

  58. علاوي يقول

    والله يا اخوان نفس الشغله يلي ثارت وياكم هم صارت وياي ماييرينك لا تجاوب و لا تهتم لاي لاجئ و لا تفتهمك و لا تنطيك مجال
    تلم لاجئين و ملفات هواي حتى تحصل على مبلغ براسه حض من الوزارة
    والله المفروض الوزارة تخلي قانون لا يجوز لاي محامي ان يستلم اكثر من 40 ملف بالشهر حتى تتم العداله يعني بشرفكم ماخذه 200 ملف من العراقيين شوكت راح تلحك تقراهن شوكت راح تلحك تدافع عنهم
    بشرفكم الله يقبل سويت جلسه وحده وياي و شرحتلي القوانين مال هازا و جلسه ثانيه رحت بس قدمتله المستمسكات الجديده و و كتله هذا المستمسك مال فلان شغله و هذا مال فلان شغله كتلتلي اوكي اشوفهن و اسويلك موعد حتى نحجي على كيسك الجديد و قبل كم يوم دزتلي رساله ايميل كلتلي بعد سبوع عندي انترفيو ؟؟؟؟؟ بشرفكم صايره دايره اتصلت بيه كتله شنو الفلم كالت اي انت من وقعت على الورقه يمي و خولتني اني قدمتلك كتله ما اريد انترفيو ما محضر شئ غير اول شئ نحجي مثل ما انتي كلتي كالت لا ماكو كتله اكو محامي بهل كون كله يبلغ زبونه فقط قبل سبوع من موعد المقابله كلتلي اي شسوي اني كلش مزدحمه و ابدا ما عندي مجال و هواي ملفات عندي كتله اسحبي الانترفيو مالتي لاني ما جاهز
    بس تجيني ورقه مال سحب انترفيو اروح اغيرهه

  59. الجمعية الخيرية المسيحية في هولندا يقول

    السلام عليكم اخواني و اخواتي القائيمن في هذا الموقع لدى سوال اخوان لماذا تم مسح اعلانننا من موقعكم الموقر , كان اعلاننا في موقعكم على جهة اليمين من الموقع و كان موضوع what do you know about Christianity و الان تم ازالة هذا الاعلان هل ممكن اعرف السبب

  60. الاسدي يقول

    في 11 يوليو 2018 ، تم الإعلان عن سياسة جديدة للعراق في خطاب من وزارة العدل والأمن.

    الفلسطينيون مجموعة الأقليات الضعيفة

    في التطورات الأخيرة ، يرى وزير الدولة سبباً لتصنيف الفلسطينيين من العراق ، باستثناء إقليم كردستان المتمتع بالحكم الذاتي ، باعتباره مجموعة أقلية ضعيفة. والسبب في ذلك هو تقرير صدر مؤخراً عن مفوضية الأمم المتحدة السامية لشؤون اللاجئين يبين أن الفلسطينيين في العراق يواجهون الاعتقالات والخطف والقتل والاختفاء القسري والتهديد وسوء المعاملة وإلغاء مرسوم صدر عام 2017 يُتوقع بموجبه حقوق الفلسطينيين.

  61. نبيه الفتح يقول

    السلام عليكم … اخي ممكن اعرف العقوبات التي تؤثر على الجنسية وهل الحرمان الاوت كيري لمدة شهر تعتبر مخالفه؟ وشكرا لكم جزيلا

    **********************

    السلام عليكم
    1- التحايل على الضريبه
    2- اضرار بالمصلحة العامه
    3- عقوبة سجن على خلفيه اجرامية ( سرقة , قتل , نصب و احتيال و هكذا امور ) اكثر من 6 اشهر
    4- خطر على الامن القومي
    5- خطر على المجتمع الهولندي
    لو كانت قضيتك احد هذه الامور فتعرقل عملية تجنسيك
    احمد الزبيدي

  62. Lion يقول

    الأخ المشرف ماهي اخر اخبار اللجؤ وهل هناك صحيح بعض المناقشات بخصوص الاجيين القدما ء الذين أمضى فترات طويله في هولنده اذ اكانت لديك بعض الأخبار الحديده أرجو ان تخبرنا فيها

    **********************

    السلام عليكم
    لا اخى العزيز لا يوجد هكذا مناقشات في البرلمان الهولندي ( اشاعه ) اخر موضوع انطرح قبل شهرين نقريبا و كان ذلك بخصوص الباردون او تسهيل الاجراءات للاجئين القدماء و لكن في النهاية اصدر البرلمان الهولندي قرار بخصوص الغاء هذا الموضوع للمناقشه و عدم مناقشته في سنة 2018 و 2019 و تم اغلاق هذا الموضوع .مما يعني لا يمكن مناقشته الى في نهاية 2019 او 2020
    احمد الزبيدي

  63. Sara ahmed يقول

    طيب اخ احمد اذا ما عندي جواز السفر العراقي ممكن اقدم الجنسية وشهادة الجنسية العراقيه الاصلية وممكن الان اقدم او انتظر من اقدم القامة الدائمية او الجنسية وشكر لك

    **********************

    السلام عليكم
    لا اختى ما ممكن يجب ان تقدمين فقط الجواز العراقي و في بعض الاحيان بيان الولاده ايضا مطلوب يجب ان يكون بيان الولاده مترجم و مصدق
    للحصول على الجواز العراقي يمكنك مراجعة السفارة العراقيه في لاهاي
    احمد الزبيدي

اترك رد

Or

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.